WINOA IBERICAk, hautatutako txatarra erabiliz altzairu-hautsa atomizatzeko prozesu industrialetan esperientzia handia duen enpresak, lehengai berriak garatzen ditu osagaiak manufaktura gehigarriko prozesuen bidez modu aurreratuan konpontzeko.
Urtero, Espainian, 500 tona pieza akastun baino gehiago galdatzen dira aleazio handiko altzairuetan, horrek energia-kontsumoan eta horri lotutako karbono-aztarnan duen eraginarekin. Konpondu beharreko piezaren akatsari aplikatutako manufaktura gehigarriko teknikei esker, ingurumenaren aldetik eraginkorragoa den irtenbide bat eskaintzen zaio galdatzeari.
Helburua eta jarduera-ildoak.
ATOMCESSen helburu nagusia aleazio handiko altzairuen osagaien konponketa aurreratua garatzea da, altzairu atomizatuzko hautsetik abiatuta manufaktura gehigarriko prozesuen bidez.
Proiektuak bi lan-ildo nagusi ditu.
- Altzairuzko hauts berriak garatzea atomizazio-teknika desberdinak aplikatuz, konponketa aurreratuan erabiltzeko beharrezkoak diren ezaugarriekin, hainbat mailatako altzairuzko hondakin eta txatarretatik abiatuta, balio erantsi handiagoko lehengai berri bihurtzeko;
- Balio erantsi handiko piezen berreskurapenean garatutako hauts berriak erabiltzeko beharrezkoa den deposizio-teknologia garatzea. Pieza horien adibide dira petrolioaren eta gasaren sektorean erabiltzen diren tamaina handiko altzairu herdoilgaitzezko hodiak, balbulak eta bridak.
Enpresa parte-hartzaileak eta finantzaketa.
WINOA IBERICA buru duen ATOMCESS proiektuak altzairuzko piezak fabrikatzen dituzten enpresen parte-hartzea du, hala nola TUBACEX edo AMPO. Beharrezko garapen teknologikoetarako CEIT Zentro Teknologikoa (Basque Research and Technology Alliance, BRTA), eta ZICLAk ere parte hartzen dute.
ATOMCESS Eusko Jaurlaritzaren Ekoberrikuntza Zirkularrerako Laguntza Programak lagundu du. IHOBE Eusko Jaurlaritzaren Ingurumen Jarduketarako Sozietate Publikoak kudeatzen du programa, 2021eko deialdian, eta EGEF funtsak ditu finantzatzeko.
0 Comments