ZICLA Euskadiko Ziklo-itxiko Ekonomia frogatzeko demostrazio-proiektuetan.

Azken urteotan Ihobe Herri-baltzuak Ziklo-itxiko Ekonomia frogatzeko demostrazio-proiektuen deialdia bultzatu du, hondakin ezberdinentzako irteera zirkularra eta industria mailako ezarpena bilatzen duten proiektuak aurrera eramateko.  

Giro honetan eta hondakinentzako irteera berritzaileak bilatzen dituen enpresa den moduan, Zicla-k aipatutako deialdiaren baitan burututako 36 proiektuetatik 4etan hartu du parte 2014 urtetik gaur egun arte, beste enpresa, teknologi-zentro eta kluster ezberdinekin batera. 4 proiektuak aplikazio eremu ezberdinetara egokitu dira. Hauetatik, Zicla proiektu bateko buru izan da eta beste 3 proiektuen partzuergoaren partaide.

Proiektuak hurrengoak izan dira, aplikazio sektorearen arabera antolatuta:

Automozioa eta garraioa.

• • Rolling Plastics:Euskadiko Erabileraz Kanpoko Ibilgailuetatik lortutako plastikozko piezen birziklapena maila altuko galautsak lortzeko.

  Parte hartzaileak: ZICLA (burua), Jubedi, Econia, Gaiker.

   

• • Reseat:Erabileraz Kanpoko Ibilgailuetatik lortutako eserlekuen berrerabilpena altzarien sektorean.

  Parte hartzaileak: Algon (burua), Icaza, Ideilan, Econia, Gaiker, Habic, ZICLA.

Gai elektrikoak eta makinaria.

• • Fenix:Gai elektriko eta elektronikoen hondakinen tratamendutik plastiko estirenikoen lehengaiak lortu.

  Parte hartzaileak: Indumetal Recycling (burua), Aligoplast, Gaiker, ZICLAa.

Ehungintza eta moda.

• • Pisadas Recicladas: Euskadiko hondakinetatik, oinetako birziklatuen diseinua eta ekoizpena.

  Parte hartzaileak: Kameleonik (burua), CTCR, ZICLA.

Proeiktu guzti hauek bizi zikloko ikuspuntua izan dute bere ingurumen balioa zehaztasunez jakinarazi ahal izateko. Honi esker, 4 proiektuetatik lortutako produktuak (hondakin ezberdinetatik abiatuta lortutakoak) baino jasangarriagoak direla ikusi ahal izan da, material birjinetatik lortutako produktuekin alderatuta.

Euskadin Ziklo-itxiko Ekonomia frogatzeko 36 Demostrazio-proiektuak.

Ziklo-itxiko Ekonomia frogatzeko Demostrazio-proiektuetan lortutako fruituak ezagutzera emateko, Ihobek enpresen ekimenek izandako emaitzak biltzen dituen dokumentu bat argitaratu du berriki.

Emaitza batzuk aipatzearren, proiektu guzti hauei esker (proiektuen arrakasta epe laburrean %40a izango dela estimatzen delarik), 276.000 tona hondakinengan eragingo da hauen upcycling-a lortuz eta hondakindegian amaitzea ekidingo delarik. Horretaz gain, bideragarritasun ekonomikoaren analisia egin eta gero ikusi den moduan, 38,7 milloi euroko fakturazioa lor daiteke eta 156 lanpostu sortu, betiere aurkeztutako proiektuen arrakasta %40a izango dela kontutan izanik.

Deialdi guztietatik esanguratsuena, azken urtekoa izan da.

Irudia: proiektu multzoaren emaitza potentzialak. Iturria: Ihobe

Inbertsio publikoaren araberako emaitzak fakturazioa, enplegua eta materialen aurreztearen ikuspegitik hurrengoak dira.

Irudia: Proiektuen emaitzak inbertsio publikoaren 100.000€ bakoitzeko. Iturria: Ihobe

Azkenik aipatu beharra dago, alde batetik proiektu hauetan hainbat enpresek parte hartu dutela, denera 85 enpresa partaide izan direlarik gehiengo euskaldunarekin, eta bestetik, deialdi ezberdinetan zehar aurkeztutako ideia eta proiektuen kopuru handia, urtez-urte handitzen joan dena.