Dituzten ezaugarriengatik, ekipamenduen sektorerako fabrikatutako produktuek, oro har, beste industria batzuetatik datozen material ugari beren ekoizpen-katearen barruan erraz sartzeko aukera ematen dute. Bestalde, Habic Euskadiko Habitat, Egur, Bulego eta Kontract Sektoreko Klusterrak detektatu du plastikoa dela sektorean ekonomia zirkularrean aurrera egiteko aukera gehien dituen materialetako bat. Izan ere, plastiko potentzialki birziklagarria eskuragarri dago, eta ez da beharrezkoa baldintza tekniko handirik (eskakizun mekanikoak, termikoak edo kimikoak) plastikoa erabiltzeko.

ZIRPLAST proiektuaren esparruan, altzarien eta ekipamendu-produktuen fabrikazioan erabil daitezken industria eta kontsumo osteko jatorri birziklatua duten material plastikoak identifikatu dira. Habicen Gipuzkoako kideen egoera diagnostikatu eta aztertu da plastikoen iraunkortasunaren eta zirkulartasunaren ikuspegitik, eta, ondoren, prozesu edo eredu zirkular berrien erabilera sustatu da. Kluster honen eta elkartekideen profilak elkarren artean oso desberdinak diren balio-kateak dituzte, eta horrek oinarri ona ematen dio ekonomia zirkularreko lanak egiteko.

ZIRPLAST proiektua egin bitartean:

• Enpresa fabrikatzaileek jarraitu beharreko lan-ildo nagusiak ezagutzeko lan egin da, material plastiko, birziklatu edo biodegradagarri berriak ezarriz eta ezagutuz beren balio-proposamenean eraldatzeko, bai eta merkatuan hobeto kokatzen lagunduko duten negozio-estrategia berriak baloratzeko ere.
• Detektatutako kasu praktikoetan analisia, diagnostikoa eta prototipoak egin dira, bizi-zikloa balioztatu eta aztertu da, eta emaitzak eta hedapena zabaldu dira.

Proiektuari esker, Gipuzkoako ekosistema eta material plastiko jasangarriaren birziklatzaile eta ekoizleen inguruak ezagutu ahal izan dira, nazioarteko merkatuaren benchmarking bat egin da eta beste enpresa batzuk arlo horretan zer egiten ari diren ezagutu da. Material horiek gaur egun dauden produktuetan probatu eta testatu dira; praktika jasangarriagoak zabaldu dira, eta enpresak baliabideen kontsumo jasangarriago baterako trantsiziora animatu dira. Gainera, ZIRPLAST proiektuaren esparruan, plastikoak ekonomia zirkularrean lehentasunezko material gisa duen potentzialari buruzko komunikazio-programa bat gauzatu da, eta ZICLAk bertan parte hartu du.

ZIRPLAST proiektua Gipuzkoako Foru Aldundiak finantzatu du, Habicek gidatu du eta IK-Ingeniaritzak parte hartu du. ZICLAk prototipoak egiteko bigarren mailako material plastikoak bilatzen eta lortzen lagundu du.